Total Tayangan Halaman

Kamis, 18 Desember 2008

Silsilah yg rusak

Si udin taripa nang kasasahangan handak kawin,bapadah lawan abah nya...(H.duraup)
Udin : abah,ulun bah ai handak banar sdh kawin,ulun takutan kaina satris (stres) mun kada lakas kawin,kaina ulun ta umpat2 manganut seks bebas kana HIV pian hakun lah ? Pian kd mambaca kah barita di kuran radar wahini di kalsel banyak nang tajangkit.
H.Duraup : kada kaitu pang din ai,anak ku nang bungas langkar kaya anjasmara ta uringis..
Udin : han pian tu ma ambung2 ulun imbah tu di hantak..Ulun talurius nah.
H.Duraup :ikam tahu ha,mama ikam sdh talu tahun maninggal..Mun ikam kawin siapa nang maurus abah..?
Udin : tu du puin haja bah ai,pian handak kawin jua kalu nih ?
H.Duraup : nah..!,paham banar ikam ni din ai...(sambil badiri H.duraup maitihi bahimat muha udin).
Udin : napa pian tu inda anih malihat muha ulun.?
H.Duraup : kada ai..Muha ikam ba ubah nang kaya primus...
Udin : kaitu ai pian tu mun ada mau nya,pukuk nya ulun badahulu kawin..!!! (sambil bukah ka kamar). Handap kisah si udin nang ngaran nya sudah cinta wan si basnah yg muhanya mangguda bila bajalan atas bawah bagujut,akhir nya nikah jua biar abahnya asa barat marastui tapi di aruh akan jua sampai manyumbalih sapi saikung,ayam 50 ikung,hintalu baratus-ratus. Kanapa abah nya asa barat mangawinakan udin wan basnah,inya basnah tu balu anak saikun binian sudah SMA,tapi inya sudah juduh kada kawa ai..(dalam hati H.Duraup cucuk wan aku basnah nitu). Rupanya dasar umur,rajaki,juduh kt kd tahu,rancak batamuan wan si leha anak tiri udin,rupa nya H.Duraup marasaakan ada getar2 hati nang bagajulak,kada kawa sahari haja kada batamuan leha asa rindu,merasa ada galagat nang kaya itu lakas ai udin di kiyau abah nya karumah.
H.Duraup : din aku tu du puin haja nah...Kaya apa mun aku mangawini leha anak tiri ikam ?
Udin : ai.. ai.. (Sambil tanganga) hadangi dahulu...Pian handak mangawini leha ? Mun ulun tasarah leha nya ja,inya masih sakulah,kalu ai kaina kaya nang di tivi urang ribut,mangawini kakanak sakulah sampai komnas HAM perlindungan anak turun tangan.
H.Duraup : nitu masih sanawiyah mun leha SMA kada naik haja 2 kali,mun nya banih nitu sdh sadang kataman...
Udin : pian tu bisa banar ba paribahasa. Handap kisah(handak pemilu ni pang jd lakas) leha imbah tuntung UAN hakun dikawini H.Duraup,ini lah awal rusak nya silsilah, udin ma ungut mamikirakan berarti ABAHKU jadi MINANTUKU dan LEHA Jd MAMAKU,kada lawas biniku baranak,ANAKKU jd dingsanak tiri ABAHKU jd Anakku adalah Pamanku dan anakku dingsanak leha mama tiriku,kada lawas leha baranak berarti itu cucuku sabab leha anak tiriku,wan anak leha sakaligus adingku sabab anak abahku,biniku mama dari mama tiri ku,berarti biniku niniku jua maka aku cucu biniku dan satiap mamikirakan udin ngalu kapala.

Tidak ada komentar:

Posting Komentar